Bergvin Haraldsson, þjálfari ÍBV, var ánægður með sína menn eftir eins marks sigur liðsins gegn Víkingi í kvöld. Lokatölur 29-30 ÍBV í vil.

„Þetta er frábært og ég er ánægður með peyjana. Þeir stóðu sig ótrúlega vel, góð barátta og mikið spirit. Þetta var frábær sigur,“ sagði Bergvin í samtali við Handkastið.

Meiðsli hafa sett svip sinn á lið ÍBV en Bergvin sér stíganda í spilamennskunni og vonast til að endurheimta leikmenn fyrir næsta leik gegn Stjörnunni.

„Bara vel, það er stígandi í þessu og við erum að spila þokkalegan handbolta. Það eru mikil meiðsli í hópnum og vonandi förum við að fá einhverja leikmenn til baka. Kannski fáum við einhverja til baka fyrir Stjörnuleikinn.“

Bergvin lætur vel af fyrstu vikunum í starfi hjá ÍBV og segir andann í hópnum góðan.

„Fyrstu vikurnar hafa verið frábærar. Þetta hefur gengið vel og góður mórall í hópnum. Þetta hefur verið fínt,“ sagði Bergvin.