8.umferðin í Meistaradeild karla hefst í dag með fjórum leikjum en allir leikir keppninnar eru sýndir í beinni á Livey. Þrír leikir hefjast klukkan 17:45 og einn klukkan 19:45 þegar PSG og Barcelona mætast.

Íslendingaslagur fer fram í Ungverjalandi þegar Veszprém og Kolstad mætast. Íslendingalið Magdeburg fer til Króatíu og mætir þar RK Zagreb og í Danmörku mætast Álaborg og Kielce.

Fjórir aðrir leikir fara fram á morgun. Riðlakeppnin er hálfnuð og hefst seinni umferðin í dag. Þýsku liðin Magdeburg og Fuchse Berlín eru bæði á toppi síns riðils með fullt hús stiga. Barcelona er í 2.sæti í riðli B með 12 stig og Álaborg er í 2.sæti í A-riðlinum með 11 stig.

Handkastið hefur tekið saman tíu markahæstu leikmenn keppninnar eftir 7.umferðina.

1. Mathias Gidsel (Fuchse Berlín) - 69 mörk
2. Bjerre Frederik Friche (GOG) - 57 mörk
3. Francisco Costa (Sporting) - 56 mörk
4. Elohim Prandi (PSG) - 55 mörk
5. Ómar Ingi Magnússon (Magdeburg) - 52 mörk
6. Melvyn Richardson (Wisla Plock) - 48 mörk
7. Mario Sostaric (Pick Szeged) - 44 mörk
8. Dejan Manaskov (Eurofarm Pelister) - 43 mörk
9. Nedim Remili (Veszprem) - 43 mörk
10. Aleix Gomez Abello (Barcelona) - 40 mörk