Fjórir leikir fóru fram í Meistaradeild Evrópu í kvöld. Tveir Íslendingar voru í eldlínunni að þessu sinni.

Bjarki Már Elísson og liðsfélagar hans í Veszprém töpuðu með einu marki gegn Kielce í heimsókn þeirra til Póllands í kvöld 36-35. Bjarki skoraði 3 mörk úr 3 skotum en það dugði ekki til. Tap Veszprém þýðir að Álaborg og Füchse Berlin eru örugg áfram í 8-liða úrslitin.

Orri Freyr Þorkelsson og félagar í Sporting töpuðu stórt fyrir HBC Nantes í Frakklandi í kvöld 38-27. Orri átti þó mjög góðan leik og skoraði 7 mörk úr 9 skotum og var næst markahæstur í liði Sporting á eftir Martim Costa sem gerði 8 mörk. Nicolas Tournat var atkvæðamestur fyrir Nantes með 9 mörk.

Füchse Berlin unnu 21-27 sigur á Dinamo Bucuresti þar sem Mathias Gidsel var eins og svo oft áður markahæstur hjá Berlínarrefunum með 8 mörk. Branko Vujović var markahæstur fyrir rúmenska liðið með 5 mörk.

Þá unnu Wisla Plock 28-25 sigur á Eurofarm Pelister þar sem Mitja Janc var markahæstur með 5 mörk.

Staðan í riðlunum eftir 11 umferðir er svona: