Í kvöld mættust Hvíti Riddarinn og ÍH í Myntkaup höllinni í Grill 66 deild karla.

Fyrripartur fyrri hálfleiks var mjög jafn og liðin bæði að gera vel. Seinna korterið í fyrri hálfleik voru svo Riddararnir hvítu mun betri og sterkari aðilinn. Á köflum voru þeir að leika frábærlega vel. Staðan í hálfleik var 18-13 fyrir heimamenn.

Í seinni hálfleik náði Hvíti Riddarinn mest 9 marka forskoti og voru ÍH-ingar enginn veginn að finna taktinn. Margir voru að leggja í púkkið hjá Hvíta Riddaranum og þeir að leika vel. Hjá ÍH var Brynjar Narfi Arndal í algjörum sérflokki eins og svo oft áður.

Lokatölur leiksins urðu 34-29. Sanngjarn sigur hjá heimamönnum.

Hjá ÍH var Brynjar Narfi Arndal markahæstur með 14 mörk. Kristján Rafn Oddsson varði 10 skot.

Hjá Hvíta Riddaranum var Gísli Rúnar Jóhannsson markahæstur með 9 mörk. Sigurjón Bragi og Bergvin Snær vörðu samtals 13 skot.

Sjáðu stöðuna í deildinni

_{Bagg.is styður umfjöllun Handkastsins um Þjóðaríþróttina- Kóðinn: Handkastid veitir 20% afslátt af fyrstu sendingu í áskrift á Bagg.is.}