Í dag mættust Haukar 2 og Víkingur á Ásvöllum í Grill 66 deild karla.

Með sigri hjá Víking þá var það ljóst að þeir myndu fara beint upp í Olís deildina.

Leikurinn var mjög jafn og spennandi í fyrri hálfleik og voru Hauka menn lengi vel yfir. En síðustu mínúturnar í fyrri hálfleik voru Víkingar betri og voru yfir í hálfleik 18-20.

Í seinni hálfleik héldu Víkingar áfram í bílstjórasætinu og komust 5 mörkum yfir eftir korter. Haukamenn saumuðu svo þétt og vel að Víkingum síðustu mínúturnar en allt kom fyrir ekki og Víkingar kláruðu leikinn. Sanngjarn sigur á endanum. 34-36 urðu lokatölur fyrir gestina úr Safamýrinni.

Víkingar eru því komnir beint upp í Olís deildina og óskar Handkastið þeim innilega til hamingju með það.

Hjá Víking var Ásgeir Snær Vignisson markahæstur með 11 mörk. Daði Bergmann varði 12 skot.

Hjá Haukum var Birkir Snær Steinsson markahæstur með 8 mörk og Ari Dignus Maríuson varði 11 skot.

Sjáðu stöðuna í deildinni

_{Bagg.is styður umfjöllun Handkastsins um Þjóðaríþróttina- Kóðinn: Handkastid veitir 20% afslátt af fyrstu sendingu í áskrift á Bagg.is.}