Alþjóðahandknattleikssambandið, International Handball Federation (IHF), skrifar nýjan kafla í handboltasögunni árið 2026 þegar fyrsta heimsmeistaramót kvenna í U16 fer fram.

Mótið verður haldið dagana 15.–24. október 2026, en enn á eftir að staðfesta hvar það fer fram.

Þetta er stórt skref í þróun kvennahandboltans þar sem keppnisstig IHF nær nú niður í yngsta aldursflokkinn. Með þessu bætist U16 HM við núverandi mótakerfi sambandsins, þar sem fyrir eru HM U20 og U18.

Byggir á vel heppnuðu móti karla

Nýja mótið fylgir í kjölfar fyrsta HM U17 karla sem haldið var í Marokkó á síðasta ári og þótti takast afar vel. Á því móti voru innleiddar sérstakar reglur sem áttu að stuðla að hraðari, opnari og skemmtilegri handbolta og verður sama fyrirkomulag notað á U16 HM kvenna.

Sérstakar reglur í gildi

Reglurnar sem verða notaðar eru skýrar og miða að því að styðja við þróun leikmanna:

• Varnarskiptingar eru ekki leyfðar
• Liðum er óheimilt að spila 7 á 6

Þá verður einnig spilað með harpix lausan bolta, líkt og á U17 HM karla 2025, sem fékk góða dóma frá leikmönnum, þjálfurum og dómurum.

12 lið taka þátt

Alls munu 12 lið taka þátt á fyrsta mótinu, frá sex heimsálfum.

• Asía:
  Asíumót U16 fer fram í Astana í Kasakstan 7.–16. maí 2026, þar sem tvö efstu lið tryggja sér sæti.
• Evrópa:
  Undankeppnin fer fram á W16 European Open í Gautaborg í Svíþjóð 29. júní – 3. júlí 2026. Tvö efstu lið fara áfram og er stefnt að því að mótið verði áfram fastur undankeppnisvettvangur Evrópu.
• Norður-Ameríka og Karíbahaf:
  Undankeppni verður haldin í Mexíkó þar sem tvö lið komast áfram.
• Aðrar heimsálfur:
  • Eyjaálfa fær eitt sæti
  • Afríka fær tvö sæti
  • Suður- og Mið-Ameríka fá tvö sæti

Handkastið veit ekki betur en að U16 ára landsliðs Íslands kvenna taki þátt á opna Evrópumótinu í Gautaborg í sumar þar sem tvö efstu lið keppninnar vinna sér inn þátttökurétt á Heimsmeistaramótinu 15.-24. október.