Það var ekki nóg með að Elliði Snær Viðarsson hafi endað sem markahæsti leikmaður íslenska landsliðsins í tveggja marka tapi gegn Svíþjóð í fyrri vináttulandsleik þjóðanna í Valsheimilinu í gær þá gaf hann einnig þrjár stoðsendingar.

Tvær af þremur stoðsendingum hans í leiknum voru af dýrari gerðinni en í fyrra skiptið gaf hann stoðsendingu á Orra Frey Þorkelsson og í seinni hálfleik gaf hann síðan keimlíka stoðsendingu á Sigvalda Björn Guðjónsson í hægra horninu.

RÚV tók saman stoðsendingarnar og birti á samfélagsmiðlum sínum eftir leikinn í gær.

Það verður áhugavert að sjá hvort Elliði Snær geri slíkt hið sama í Kaplakrika á morgun þegar þjóðirnar mætast í annað sinn eða hvort Svíarnir verði búnir að leikgreina þessar stoðsendingar og komi í vegfyrir að Elliði nái að leika sama leik aftur.

View this post on Instagram

A post shared by RÚV Íþróttir (@ruvithrottir)