Arnar Pétursson tilkynnti nú í hádeginu landsliðshóp sinn sem leikur tvo síðustu leiki Íslands í undankeppni Evrópumótsins sem fara fram í næsta mánuði.

Íslenska landsliðið mætir Færeyjum í Þórshöfn 8.apríl og fær síðan Portúgal í heimsókn 12.apríl en sá leikur fer fram á Ásvöllum í Hafnarfirði. Frítt verður á leikinn á Ásvöllum í boði Besta bitans. Hægt að sækja sér miða í gegnum Stubb.is.

Ljóst var að breytingar yrðu á hópnum frá síðasta verkefni en Dana Björg Guðmundsdóttir er meidd. Harpa María Friðgeirsdóttir leikmaður Fram kemur inn í hópinn í hennar stað.

Markmenn:

Hafdís Renötudóttir
Sara Sif Helgadóttir

Útileikmenn:
Rakel Oddný Guðmundsdóttir
Harpa María Friðgeirsdóttir
Andrea Jacobsen
Lovísa Thompson
Elín Rósa Magnúsdóttir
Elín Klara Þorkelsdóttir
Sandra Erlingsdóttir
Díana Dögg Magnúsdóttir
Sara Dögg Hjaltadóttir
Katrín Anna Ásmundsdóttir
Sonja Lind Sigsteinsdóttir
Elísa Elíasdóttir
Katrín Tinna Jensdóttir
Matthildur Lilja Jónsdóttir

Leikirnir verða 8. apríl í Þórshöfn og sá seinni gegn Portúgal 12. apríl á Ásvöllum.