Handkastið fékk fregnir af því að Hildur Guðjónsdóttir, 24 ára skytta í liði Víkings væri mögulega að fara að hætta handboltaiðkun. Við ákváðum að heyra í henni og fá að vita meira hvað kæmi til.

Hildur er uppalin í FH og hefur alla tíð spilað með uppeldisfélaginu en síðasta sumar söðlaði hún hinsvegar um og gekk í raðir Víkings. Spilaði hún 17 leiki í vetur með liðinu og skoraði 61 mörk. Leikmaður með gott auga fyrir spili og góður skotmaður.

"Já hvort ég sé hætt eða bara í langri pásu verður bara að koma í ljós en ég hef verið glíma við erfið meiðsl í öxl núna í nokkur ár og fannst því fínt að segja þetta gott í bili allavega núna" sagði Hildur.

Handkastið vonar að Hildur fái bót meina sinna í öxlinni og snúi aftur á völlinn frekar fyrr heldur en seinna.