HSÍ hefur boðið til blaðamannafundar klukkan 14:00 í dag undir yfirskriftinni: Framtíðarsýn A landsliðs karla.

Gera má fastlega ráð fyrir því að á fundinum verði undirritaður nýr samningur við Snorra Stein Guðjónsson landsliðþjálfara Ísland og þá verður líklega tilkynnt að Arnór Atlason aðstoðarþjálfari hans verði áfram í þjálfarateyminu.

Þeir hafa verið landsliðsþjálfarar frá 2023 en núverandi samningur þeirra rennur út 1. júní.

Framundan eru tveir vináttulandsleikir gegn Egyptum í Kaíró í Egyptalandi 13. og 15. maí næstkomandi en íslenska landsliðið hefur tryggt sér sæti á heimsmeistaramótinu sem fer fram í Þýskalandi í janúar á næsta ári eftir frábæran árangur á Evrópumótinu í janúar.