Handknattleiksdeild HK og Katrín Hekla Magnúsdóttir hafa skrifað undir nýjan tveggja ára samning.

Katrín Hekla er vinstri hornamaður, fædd árið 2005, uppalin hjá HK og spilaði í öllum yngri flokkum félagsins. Hún hefur verið partur af meistaraflokk félagsins síðastliðin 5 ár. Síðastliðin þrjú ár hefur hún verið fastamanneskja í liði HK sem mun spila í Olís-deildinni á komandi tímabili.

Á leiktímabilinu núna sem leið skoraði hún 31 mark í 20 leikjum í Grill 66 deildinni.

"Þrátt fyrir að vera einungis tvítug er Katrín Hekla ein af reynslumeiri leikmönnum HK sem Handknattleiksdeild HK er mjög ánægð með að hafa áfram í herbúðum sínum" segir í tilkynningu frá HK.