Dagur Árni Heimisson leikmaður Vals er áfram að glíma við meiðsli sem hefur plagað hann allt tímabilið. Hann verður ekki með liðinu í fyrsta leik Vals og FH í úrslitum Íslandsmótsins þegar liðin mætast í Valsheimilinu annað kvöld.

Fyrsti leikur Vals og FH hefst klukkan 19:30 annað kvöld og verður sýndur í opinni dagskrá í Sjónvarpi Símans.

,,Dagur Árni er ekki leikfær og verður ekki með en aðrir eru eins og staðan er í dag klárir og spenntir fyrir verkefninu," sagði Ágúst Jóhannsson þjálfari Vals í viðtali við Handkastið í gær þar sem HSÍ og Olís héldu blaðamannafund í aðdraganda úrslitaeinvígisins.

Dagur Árni kom inn í leikmannahóp Vals í fyrsta leik af þremur í einvíginu gegn KA í undanúrslitunum en var síðan ekki með liðinu í seinni tveimur leikjunum. Ljóst er að hann hefur ekki enn jafnað sig á meiðslunum.

Viðtalið við Ágúst má sjá hér að neðan.