Línumaðurinn, Þórður Tandri Ágústsson hefur framlengt samningi sínum við Þór. Þórður Tandri semur við Þór til ársins 2028. Þetta tilkynnti félagið á samfélagsmiðlum sínum í gærkvöldi.

Þórður Tandri gekk í raðir Þórs frá Stjörnunni fyrir tímabilið 2024/2025 og lék með liðinu í Grill66-deildinni það tímabil. Hann lék síðan með liðinu í Olís-deildinni á þessu ári er liðið hélt sæti sínu í deildinni og leikur í deild þeirra bestu aftur á næsta tímabili.

,,Þetta eru miklar gleðifréttir en Þórður er uppalinn í Þorpinu og hefur verið stór hluti af liðinu eftir við fengum hann heim aftur," segir í tilkynningunni frá Þór en Þórður Tandri skoraði 70 mörk í 21 leik í Olís-deildinni í vetur.

Þórsarar hafa verið virkir á leikmannamarkaðnum síðustu daga en þrír danskir leikmenn hafa samið við liðið og eru fleiri leikmenn væntanlegir samkvæmt heimildum Handkastsins.