Snorri Steinn Guðjónsson þjálfari íslenska karla landsliðsins tilkynnir í hádeginu á morgun þá leikmenn sem ferðast til Egyptalands og taka þátt í tveimur vináttulandsleikjum gegn Egyptum í maí.  

Hópurinn verður tilkynntur klukkan 12:00 á morgun en Snorri Steinn hefur ýjað að því að töluverðar breytingar verði á landsliðshópnum frá síðasta verkefni er Ísland mætti Svíþjóð í tveimur vináttulandsleikjum hér á landi.

,,Horfi á þetta verkefni til að prófa hluti, bæði taktískt og til að prófa nýja leikmenn," sagði Snorri Steinn á blaðamannafundi sem HSÍ hélt í aðdraganda verkefrnsins gegn Svíþjóð í mars.

Leikir Íslands gegn Eygptalandi fara fram miðvikudaginn 13.maí og föstudaginn 15.maí.

Þjóðirnar mætast síðan í Laugardalshöllinni í tveimur vináttulandsleikjum í janúar í aðdraganda heimsmeistaramótsins á næsta ári.

Rætt var um komandi landsliðsval í nýjasta uppgjörsþætti Handkastsins.