Ágúst Jóhannsson, þjálfari Vals, var ánægður með sigur sinna manna í kvöld á FH og að vera kominn í 1-0 í einvíginu en viðurkenndi þó að það væri margt sem þeir þyrftu að laga fyrir næsta leik.

Ágúst var ánægður með síðari hálfleik sinna manna og sagði hann hafa verið betri en þann fyrri. ,,Við náðum að þétta varnarleikinn og fá nokkur auðveld mörk upp úr því og það var kannski svona helsti munurinn."

Hann vonast einnig til þess að sjá Valsara í pöllunum í Kaplakrika í leiknum á mánudaginn að styðja Valsmenn áfram.

Allt viðtalið við Ágúst má sjá hér að neðan: