Uppselt er á oddaleik Vals og FH um Íslandsmeistaratitilinn á fimmtudaginn. Miðasala hófst kl. 12:00 í hádeginu og eru nú allir miðar farnir út.

N1 höllin að Hlíðarenda verður því troðfull þegar annað hvort þessara liða lyftir þeim stóra.

Miðarnir á oddaleikinn gjörsamlega ruku út og var orðið uppselt FH megin einungis korteri eftir að miðasalan opnaði. Það er því ljóst að það er gríðarleg stemning fyrir þessum oddaleik um Íslandsmeistaratitilinn.