Íslands- og deildarmeistarinn, Arnór Snær Óskarsson leikmaður Vals sagði í viðtali í opinni dagskrá í Sjónvarpi Símans eftir að hafa tryggt sér Íslandsmeistaratitilinn á fimmtudagskvöldið að hann stefndi á að fara aftur út í atvinnumennsku.

Arnór Snær gekk óvænt í raðir Vals á miðju tímabili frá norska félaginu Kolstad og hefur verið besti leikmaður Vals á tímabilinu.

,,Ég stefni á að fara aftur út en ég vil ekki fara bara eitthvað og í eitthvað lélegt. Það verður bara að koma í ljós en ég stefni á að fara út," sagði Arnór Snær í viðtali eftir sigur Vals á FH, 27-26 í oddaleik úrslitaeinvígisins.

Arnór Snær var valinn besti leikmaður úrslitakeppninnar.

Arnór Snær gekk í raðir þýska stórliðsins, Rhein Neckar Löwen sumarið 2023. Tækifærin voru ekki mörg hjá Lowen og var hann lánaður til Gummersbach. Í kjölfarið gekk hann síðan í raðir Kolstad áður en hann skipti yfir til Vals í lok október á síðasta ári.