Ásgeir Örn Hallgrímsson og Andri Sigfússon þjálfarar U18 ára landsliðs karla hafa tilkynnt hvaða 16 leikmenn munu keppa fyrir hönd Íslands á Evrópumótinu í sumar. Keppnin verður haldin í Serbia dagana 29. júlí til 9. ágúst.

Kunnugleg nöfn eru í hópnum sem hafa leikið stór hlutverk í Olís-deild karla. Þar ber hæst að nefna leikmenn á borð við Frey Aronsson hjá Haukum, Gunnar Róbertsson hjá Val og Ómar Darra Sigurgeirsson hjá FH sem allir léku stór hlutverk hjá þessum þremur félögum í vetur en Ómar Darri Sigurgeirsson fór fyrir liði FH í úrslitaeinvíginu gegn Val sem Gunnar Róbertsson og liðsfélagar hans í Val unnu.

Einnig hefur Morgan Goði Garner verið varamarkvörður ÍBV í vetur og þá hefur Anton Frans Sigurðsson leikið í hægri horni ÍBV. Matthías Dagur Þorsteinsson fékk stærra hlutverk í liði Stjörnunnar þegar leið á veturinn og þá var Patrekur Smári Arnarsson leikmaður ÍR í hlutverki hjá liðinu í vetur þá sérstaklega varnarlega.

Þá vekur athygli að hinn 15 ára, Brynjar Narfi Arndal hjá FH er valinn í hópinn en það er ekki oft á þessum árum sem valdir eru yngri leikmenn í U18 ára landslið Íslands.

Þrír markmenn eru í hópnum og koma tveir þeirra frá ÍBV, Morgan Goði Garner og Sigurmundur Gísli Unnarsson, þá er Anton Máni Francisco Heldersson markvörður Vals í hópnum.

Þrír leikmenn hafa síðan verið valdir sem varamenn inn í hópinn og munu sennilega æfa með liðinu í aðdraganda keppninnar.

Leikmannahópurinn er eftirfarandi :