Markvörðurinn, ungi og efnilegi, Patrekur Guðni Þorbergsson hefur framlengi samningi sínum við HK til næstu þriggja ára. Þetta staðfesti HK á samfélagsmiðlum sínum fyrr í dag.

Patrekur Guðni gekk í raðir Þórs fyrir síðasta tímabil en sneri aftur til HK um mitt tímabil. Hann fékk tækifæri með HK í Olís-deildinni á þar síðustu leiktíð vegna meiðsla vandræða HK-inga og stóð sig afar vel.

,,Patrekur er uppalinn í HK og er skýrt dæmi um þann grunn sem félagið byggir á. Að sjá leikmann úr eigin röðum halda áfram í HK búningnum skiptir miklu máli fyrir félagið og styrkir enn frekar þá vegferð sem við erum á. Það verður sérstaklega ánægjulegt að fylgjast með Patrek taka næstu skref með HK á komandi árum," segir í tilkynningunni frá HK.

Í gær var greint frá því að markvörðurinn, Róbert Örn Karlsson væri búinn að yfirgefa HK og þá er óvíst hvað verður um Jovan Kukobat.