Íslendingaliðið Blomberg-Lippe tapaði með minnsta mun 28-27 fyrir Borussia Dortmund í fyrsta úrslitaleik liðanna um þýska meistaratitilinn í gær.

Leikurinn fór fram í Dortmund þrátt fyrir að Blomberg Lippe hafi orðið deildarmeistari. Næsti leikur fer að minnsta kosti fram á heimavelli Íslendingaliðsins en vinna þarf tvo leiki til að tryggja sér meistaratitilinn.

Blomberg Lippe leiddi í hálfleik 17-14 eftir að hafa verið 14-9 yfir á tímabili. Blomberg Lippe skoraði fyrsta mark seinni hálfleiksins en þá komu fimm mörk Dortmund í röð og skyndilega voru þær komnar einu marki yfir 19-18.

Díana Dögg Magnúsdóttir og Andrea Jacobsen skoruðu báðar þrjú mörk í leiknum. Elín Rósa Magnúsdóttir skoraði tvö mörk.

Jafnfræði var með á liðunum það sem eftir lifði leiks en þrjú mörk í röð á lokakaflanum gerði Blomberg Lippe lífið leitt og lokatölur 28-27 en Íslendingaliðið minnkaði muninn í eitt mark þegar 30 sekúndur voru eftir.

Næsti leikur liðanna fer fram 24. maí.