Sävehof tók á móti Skara í kvöld í fyrsta leik liðanna í úrslitum um sænska meistaratitilinn í kvenna en leikið var í Partille Arena í Gautaborg.

Íslensku stelpurnar voru að venju með í báðum liðum en Elín Klara Þorkelsdóttir skoraði fimm mörk úr ellefu skotum og gaf þrjár stoðsendingar á meðan Lena Margrét Valdimarsdóttir skoraði þrjú mörk úr sex skotum og gaf fjórar stoðsendingar fyrir gestina frá Skara.

Heimakonur reyndust ögn sterkari í kvöld og náðu að knýja fram sigur, 25-22 eftir að hafa leitt með tveimur mörkum í hálfleik, 12-10.

Næsti leikur liðanna fer fram í Skara, fimmtudagskvöldið næstkomandi en þrjá sigra þarf til að vinna titilinn.

Úrslit kvöldsins:

Sävehof 25-22 Skara