Í byrjun síðasta mánaðar komumst Haukar og línumaðurinn, Jón Ómar Gíslason að samkomulagi um að rifta samningi leikmannsins við félagið.

Jón Ómar gekk í raðir Hauka fyrir síðasta tímabil frá Gróttu en þar áður lék hann með Herði á Ísafirði. Jón Ómar var einn markahæsti leikmaður Olís-deildarinnar þegar hann lék með Gróttu en tækifæri hans með Haukum undir stjórn Gunnars Magnússonar var af skornum skammti.

Jón Ómar varð bikarmeistari með Haukum á tímabilinu en nú er óvíst hvað tekur við hjá línumanninum.

Í samtali við Handkastið sagði Jón Ómar að það væri lítið að frétta af hans málum og hann væri ekki í neinum samningaviðræðum við neitt félag.

Spurður að því hvort hann hafi átt í viðræðum við einhver félög sagði Jón Ómar að eitt félag hafi heyrt í honum eftir að hann hætti hjá Haukum.