Að loknu heimsmeistaramóti U20 ára kvenna í Kína, þar sem Þýskaland tryggði sér heimsmeistaratitilinn með 33-26 sigri á Danmörku í úrslitaleiknum hefur Alþjóðahandknattleikssambandið (IHF) tilkynnt úrvalslið mótsins.

Fjórar þjóðir eiga fulltrúa í úrvalsliðinu, en það eru Danmörk, Þýskaland, Spánn og Frakkland, sem öll komust í undanúrslit keppninnar og léku um verðlaun á mótinu.

Ruslana Litvinov var valin besti leikmaður mótsins (MVP). Hún átti frábært mót, skoraði 22 mörk, gaf 28 stoðsendingar og stal boltanum 14 sinnum.

Heimsmeistarar Þýskalands eiga einnig einn leikmann í úrvalsliðinu, vinstri hornamanninn Chiara Rohr.

Danmörk á þrjá fulltrúa í liðinu. Freja Fonseca Nielsen var valin besti markvörður mótsins, Julie Groth Persson besta hægri skyttan og Kirstine Emilie Hoppe besti miðjumaðurinn. Hoppe varð jafnframt markahæsti leikmaður mótsins með 66 mörk.

Spánn á tvo fulltrúa í úrvalsliðinu. Belen Rodriguez Lario, sem var valin besti leikmaður HM U18 ára árið 2024, var valin besta vinstri skyttan á mótinu. Þá var línumaðurinn Kelly Fonkeng Mfotiog valinn besti línumaðurinn.

Frakkland á einn fulltrúa í úrvalsliðinu en Dawiya Abdou var valin besti hægri hornamaður mótsins.

Úrvalslið HM U20 ára kvenna:

• Markvörður: Freja Fonseca Nielsen (Danmörk)
• Hægri horn: Dawiya Abdou (Frakkland)
• Hægri skytta: Julie Groth Persson (Danmörk)
• Miðjumaður: Kirstine Emilie Hoppe (Danmörk)
• Vinstri skytta: Belen Rodriguez Lario (Spánn)
• Vinstra horn: Chiara Rohr (Þýskaland)
• Línumaður: Kelly Fonkeng Mfotiog (Spánn)

Besti leikmaður mótsins (MVP): Ruslana Litvinov (Þýskaland)

Markahæsti leikmaður mótsins: Kirstine Emilie Hoppe (Danmörk) – 66 mörk.