Stefán Árnason er kominn með nýtt þjálfarastarf. Hann hefur verið ráðinn til Handboltasambandsins í Kuwait.

Stefán flaug út í Persaflóann þann 7. júlí og hóf strax störf fyrir Kúveitska handboltasambandið.

Aron Kristjánsson er eins og kunnugt er A-landsliðsþjálfari Kuwait og hefur verið það síðan í mars 2025.

Starf Stefáns hjá Handboltasambandinu í Kúveit mun vera fjölbreytt og verður hann aðalþjálfari 16 ára landsliðsins hjá drengjum sem fæddir eru 2010, auk þess að vinna með öllum landsliðum Kúveit upp í A-landsliðið. Mun hann koma að tækniþjálfun og þróun leikmanna hjá sambandinu þar sem hann vinnur náið með Aroni Kristjánssyni landsliðsþjálfara og öðrum þjálfurum hjá Kúveit.