Susan Ines Barinas leikmaður Aftureldingar í Grill66-deildinni er um þessar mundir í eldlínunni með landsliði Venesúela á Mið-Ameríku og Karíbahafsleikunum.

,,Það er gaman að segja frá því að Susan Ines Barinas leikmaður meistaraflokks kvenna er um þessar mundir að keppa með landsliði Venezuela á Mið-Ameríku og Karíbahafsleikunum í Santo Domingo," segir í tilkynningunni frá Aftureldingu á samfélagsmiðla síðu félagsins.

Þar segir jafnframt að Susan sé næst markahæsti leikmaður mótsins með 13 mörk eftir tvo leiki en Venesúela hefur tapað fyrstu tveimur leikjum sínum á mótinu gegn Dóminíska lýðveldinu og Púertó Ríkó. Liðið mætir landsliði Nucaragua í kvöld klukkan 19:00 í lokaleik sínum í riðlinum.

Susan hefur nýverið skrifað undir nýjan samning við Aftureldingu en hún hefur leikið með liðinu undanfarin ár en hún er 36 ára og einn reynslu mesti leikmaður Grill66-deildarinnar.

Gamboa flutti fyrst til Akureyrar árið 2018 þar sem vinkona hennar bjó og lék blak með KA. Gamboa reyndi fyrir sér í handboltanum á Akureyri en handboltaferill hennar fór ekki á flug hér á landi fyrr en hún flutti til Reykjavíkur og byrjaði að æfa með Aftureldingu.