FH og Fram mættust í Kaplakrika í kvöld í Powerade bikar karla. FH var með yfirhöndina í fyrri hálfleik og voru fjórum mörkum yfir í hálfleik, 23-19.

Hafnfirðingar gáfu ekkert eftir í síðari hálfleik og vann liðið ellefu marka sigur en lokatölur voru 46-35 og FH verður í pottinum þegar dregið verður í næstu umferð.

Atkvæðamestur í liði FH var Símon Michael Guðjónsson en hann skoraði ellefu mörk í kvöld. Ómar Darri Sigurgeirsson fylgdi Símoni á eftir með tíu mörk. Jón Þórarinn Þorsteinsson stóð í marki FH í kvöld og varði fimmtán bolta.

Atkvæðamestur í liði Fram var Haukur Ingi Hauksson en hann skoraði sex mörk. Ívar Logi Styrmisson og Marel Baldvinsson skoruðu fimm mörk hvor og aðrir minna.