Íslendingar komu við sögu í þýsku Bundesligunni í handbolta í dag þegar MT Melsungen og Hamburg unnu bæði leiki sína.

Reynir Þór Stefánsson leikur með Melsungen og átti góðan leik en hann skoraði sex mörk í sannfærandi sigri liðsins á lærisveinum Arnórs Þórs Gunnarssonar í Bergischer HC en Melsungen var með yfirhöndina allan leikinn og landaði að lokum sjö marka sigri 33-26.

Hamburg vann einnig góðan sigur þegar liðið mætti Bietigheim á útivelli. Lokatölur urðu 35–30, Hamburg í vil. Staðan í hálfleik var 17–17, en Hamburg reyndist sterkara í síðari hálfleik og tryggði sér bæði stigin. Einar Þorsteinn Ólafsson komst ekki á blað hjá Hamburg.

Úrslit dagsins:
MT Melsungen 33–26 Bergischer HC
Bietigheim 30–35 Hamburg