Þór Akureyri er síðasta liðið til að tryggja sér sæti í næstu umferð bikarsins en liðið vann ÍBV 2 í Vestmannaeyjum í leik sem var að ljúka í Eyjum en Þór er að spila sinn annan leik í eyjum á innan við sólarhring. Staðan í hálfleik var jöfn 14-14 en Þór steig upp í seinni hálfleik og vann leikinn með þremur mörkum, 27-30.

Atkvæðamestur í liði ÍBV 2 var Agnar Smári Jónasson en hann skoraði tólf mörk í dag. Garðar Benedikt Sigurjónsson skoraði fjögur og aðrir minna.

Bertram Simonsen var markahæstur í liði Þórs en hann skoraði sex mörk. Hafþór Már Vignisson og Mikkel Bak Scheumann Jensen skoruðu báðir fimm mörk.