Danska landsliðið skipað leikmönnum 21 árs og yngri tryggði sér í dag sinn fyrsta heimsmeistaratitil síðan 2005 þegar þeir unnu Portúgali 29-26. Danir leiddu allan leikinn og var staðan 14-10 í hálfleik þeim í vil.

Frederik Emil Peder­sen leikmaður GOG var markahæstur með 9 mörk og Magn­us Storga­ard Peder­sen kom þar næstur á eftir með 6 mörk, hann var einnig valinn í úrvalslið mótsins. Ricar­do Brandao var markahæstur hjá Portúgölum með 6 mörk.

Þetta er fjórði heimsmeistaratitill Dana í þessum aldursflokki en fyrri titlar þeirra komu 2005, 1999 og 1997.

Fyrri í dag höfðu Færeyingar tryggt sér bronsið með sigri á Svíum svo það er óhætt að segja að framtíðin sér björt á Norðurlöndunum.

Færeyski landsliðsmaðurinn Óli Mittún var valinn mikilvægasti leikmaður mótsins en hann færir sig einmitt um set í sumar og gengur til liðs við GOG.

Úrvalsliðs mótsins má sjá hér að neðan:

MVP: Óli Mittún (Færeyjar)

Markmaður: Diogo Rema Marques (Portúgal)
Vinstri Horn: Joao Lourenco (Portúgal)
Vinstra skytta: Noah Martinsson (Svíþjóð)
Miðjumaður: Axel Månsson (Svíþjóð)
Hægri skytta: Magn­us Storga­ard Peder­sen (Danmörk)
Hægra horn: Nikolaj Larsson (Danmörk)
Línumaður: Moaz Azab (Egyptaland)

Mótið fór fram í Póllandi og hafnaði íslenska landsliðið í 18.sæti eftir að hafa tapað leiknum um Forsetabikarinn 38-25 gegn Serbíu.