Varnarmaðurinn Sverrir Pálsson hefur framlengt samningi sínum við nýliða Selfoss í Olís-deildinni til næstu tveggja ára. Þetta staðfesti hann í samtali við Handkastið.

Sverrir segist stefna á endurkomu á völlinn aftur á næstu vikum en hann gekkst undir aðgerð á öxl í sumar og óvissa ríkti og framtíð hans í sumar.

Sverrir hefur leikið með liði Selfoss undanfarin ár en hann hefur glímt við meiðsli á öxl í langan tíma en nú virðast þau meiðsli úr sögunni. Sverrir var lykilmaður í liði Selfoss sem vann Gróttu í umspilinu um laust sæti í Olís-deildinni á síðustu leiktíð.

Sagði Sverrir í samtali við Handkastið að hann stefndi á endurkomu á næstu vikum.

Selfoss er með eitt stig eftir tvær umferðir en liðið gerði jafntefli gegn ÍR í síðustu umferð. Selfoss fær Fram í heimsókn næstkomandi föstudagskvöld klukkan 19:30 og verður sá leikur sýndur í beinni í Handboltapassanum.