Nú rétt í þessu var dregið í 16-liða úrslit Powerade-bikars karla í Minigarðinum. Það verða áhugaverðar viðureignir í 16-liða úrslitunum en hæst ber sennilega að nefna viðureign Hauka og Vals sem og viðureign Aftureldingar og ÍBV.

Auk þess mætast HK - Selfoss og ÍR - Þór.

Stjarnan fer í Grafarvoginn og heimsækir Grill66-deildarlið Fjölnis. FH fer á Nesið og mætir Gróttu og bikarmeistarar Fram mæta Víkingum. KA ferðast til Vestmannaeyja og mætir ÍBV 2.

Hér að neðan er hægt að sjá viðureignirnar átta sem fram fara í 16-liða úrslitum Powerade-bikarsins.

16-liða úrslit karla megin:

Haukar - Valur

Fjölnir - Stjarnan

Afturelding - ÍBV

ÍR - Þór

HK - Selfoss

Grótta - FH

Víkingur - Fram

ÍBV 2 - KA

Leikirnir verða leiknir dagana 5.-6. október.