Bjarni Fritzson þjálfari ÍR var ánægður með margt í fyrri hálfleik hjá sínu liði í tap liðsins gegn Haukum í 3.umferð Olís-deildarinnar. Haukar unnu að lokum sannfærandi 44-28 sigur.

Bjarni segist hafa litlar áhyggjur af framhaldinu en liðið er með eitt stig að loknum þremur leikjum í deildinni.

,,Ég var þokkalega ánægður með fyrri hálfleikinn, það var margt gott í honum en síðan gerum við marga tækni feila í byrjun seinni hálfleiks og þá rennur boltinn úr þessu," sagði Bjarni.

,,Við erum bara rétt að byrja. Við verðum flottir í vetur, við erum bara að vinna vinnuna sem þarf að vinna," sagði Bjarni meðal annars í viðtalinu en Bjarni var spurður út í frétt sem Handkastið birti í vikunni þar sem sagt var frá því að Fram hafi sýnt Jökli Blöndal leikmann ÍR áhuga.

Viðtalið í heild sinni er hægt að sjá hér að neðan.