HK tapaði gegn KA í 4.umferð efstu deildar í síðustu viku sem var þeirra fjórða tap á tímabilinu. Í nýjasta þætti Handkastsins var tilkynnt að skita vikunnar næði lengra en síðustu daga heldur allt til febrúar á þessu ári.

,,Skolphreinsun Ásgeirs fer heim til Halldórs Jóhanns þjálfara HK.  Þeir ætla að taka aðeins til í pípunum og mynda lagnirnar og sjá hvort þeir geti ekki komið einhverju skipulagi á hlutina eftir tíu tapleiki í röð," sagði Stymmi klippari í Handkastinu.

,,Þetta eru engin leiðindi og við erum hér til að hjálpa. Við erum með uppbyggilega gagnrýni og við ætlum að reyna bæta og þeir mæta og gera við," bætti Stymmi klippari við.

HK vann síðast leik 21. febrúar á þessu ári þegar liðið vann KA á heimavelli 33-29. HK fer í Kaplakrikann í kvöld og mætir þar FH.

,,Það sem er verst í þessu er að Sigursteinn Arndal og FH-ingarnir súpa kveljur núna. FH eiga HK í næsta leik og við munum allir þann harmleik sem átti sér stað á síðustu leiktíð," sagði Stymmi en HK vann FH í 2.umferðinni í fyrra 36-32.

Tíu síðustu tapleikir HK:
HK - KA 27-31
Stjarnan - HK 26-25
HK - Afturelding 26-29
ÍBV - HK 30-29
HK - FH 21-25
FH - HK 32-21
ÍBV - HK 34-28
HK - Valur 25-33
HK - Fram 33-38
ÍR - HK 32-29