Í kvöld fengu Fjölnis menn liðsmenn Hvíta Riddarans í heimsókn í Egilshöll. Stutt er síðan liðin mættust í bikarkeppninni þar sem Fjölnir hafði betur.

Fjölnir voru hinsvegar í langþráðri leit að fyrsta sigri sínum í deildinni en þeir höfðu aðeins náð í eitt jafntefli og það var á móti Víking í Safamýri.

Skemmst er frá því að segja að Fjölnir hafði sigur úr býtum. Sigurinn var sanngjarn og leiddu heimamenn allan leikinn.

Í hálfleik var staðan 16-10 fyrir Fjölni og endaði leikurinn 31-29 fyrir heimamenn.

Athygli vakti að Júlíus Flosason er kominn í raðir Fjölnis að láni frá HK.

Aðalsteinn Aðalsteinsson var markahæstur hjá Fjölni með 8 mörk. Bergur Bjartmarsson varði 11 skot.

Hjá Hvíta Riddaranum var gleðigjafinn Aron Valur Gunnlaugsson með 8 mörk. Sölvi og Eyþór vörðu 10 skot.