Valur 2 landaði góðum sigri í Grill66 deild karla þegar þeir sóttu lið HBH heim til Vestmannaeyja í lokaleik 5.umferðar í Grill66-deildinni í dag.

Það sem vakti kannski hvað mesta athygli í þessum leik var tveir Grænlendingar léku með liði Vals 2 í leiknum.

Um er að ræða þá Kim Holger Josafsen Nielsen og Sebastian Hans Knud Folmer Jensen en þeir voru að spila sinn fyrsta leik á Íslandi í kvöld.

Í tilkynningu frá Valur handbolti segir að þeir hafa verið valdir til æfinga með landsliðum Grænlands, sem sækir U20 ára landslið Íslands heim í lok október. Báðir fengu þeir félagaskipti yfir í Val frá Danmörku á dögunum.

Hvorugur þeirra komst á blað í leiknum en það verður fróðlegt að fylgjast með þeim í Grill66-deildinni í vetur.

Valur vann leikinn með þremur mörkum 30-27 þar sem Logi Finnsson var markahæstur Vals 2 með átta mörk.