Leikstjórnandinn, Júlíus Flosason sem hefur verið lánaður í Fjölni í Grill66-deildinni frá HK. 

Júlíus lék sinn fyrsta leik með Fjölni í Grill66-deildinni gegn Hvíta Riddaranum á föstudagskvöldið og skoraði þar þrjú mörk í tveggja marka sigri 31-29. Þetta var fyrsti sigur Fjölnis í Grill66-deildinni í vetur.

Júlíus sagði fyrir stuttu að vegna anna í vinnu hjá slökkviliðinu hafði hann ekki séð fyrir sér að geta spilað með HK í Olís-deildinni í vetur en hann var í hlutverki með liðinu í fyrra.

Hann hóf tímabilið með HK 2 í Grill66-deildinni en hefur nú fært sig yfir í Grafarvoginn.

Fjölnir tekur á móti Stjörnunni í 16-liða úrslitum Powerade-bikarsins á mánudagskvöldið klukkan 20:15.