Það er orðinn mikill spenningur fyrir nágrannaslag KA og Þórs í 11.umferð Olís-deildar karla á fimmtudagskvöldið en liðin eru að mætast í fyrsta skipti í keppnisleik frá árinu 2021 en þá mættust liðin tvívegis þegar heimsfaraldur geisaði og stúkurnar hálf setnar og fullorðið jafnt sem ungir með andlitsgrímur.

Það verður hinsvegar allt annað upp á teningnum á fimmtudagskvöldið í KA-heimilinu þar sem þétt verður setið í stúkunni. Egill Bjarni Friðjónsson ljósmyndari og meira til skellti sér í heimsókn hjá báðum félögum í vikunni og forvitnaðist aðeins út í stöðuna á liðunum.

Hjá KA hitti hann Daða Jónsson leikmann KA og Andra Snæ Stefánsson þjálfara KA. Viðtalið hjá Agli við þá félaga má sjá hér að neðan.

Leikur KA og Þórs fer fram á fimmtudagskvöld og hefst klukkan 19:30. Leikurinn verður sýndur í opinni dagskrá í Sjónvarpi Símans.