Átta leikir fóru fram á þriðja degi heimsmeistaramóts kvenna sem fram fer í Þýskalandi og Hollandi. Íslensku stelpurnar þurftu því miður að sætta sig við eins marks tap gegn Serbíu í ótrúlegri hálf endurkomu eftir að hafa verið sex mörkum undir í hálfleik 19-13.

Þýskaland vann Úrúgvæ í hinum leik riðilsins nokkuð sannfærandi, vægast sagt en Þýskaland vann 38-12 eftir að hafa verið 15-7 yfir í hálfleik. Nina Engel og Nieke Kuhne voru markahæstar í liði Þýskalands með sjö mörk hvor.

Óvæntustu úrslit dagsins voru án efa fyrsti sigur Færeyja á heimsmeistaramóti frá upphafi en færeysku stelpurnar unnu Spánverja 27-25 eftir frábæra endurkomu en Spánverjar voru yfir með þremur mörkum í hálfleik 14-11. Pernille Braenborg var mrakahæst í liði Færeyjar með sjö mörk og Jana Mittún kom næst með sex mörk. Ótrúlegur sigur færeysku stelpnanna sem er heldur betur sögulegur.

Svartfjallaland vann Paragvæ í sama riðli 34-25.

Í E-riðli vann Austurríki níu marka sigur á Egyptalandi, 29-20 og Holland vann Argentínu 32-25. Í F-riðli vann Pólland sextán marka sigur á Kína, 36-20 og þá vann Frakkland stórssigur á Túnis, 43-18. Suzanne Wajoka var markahæst með tíu mörk.

Úrslit dagsins:
Austurríki - Egyptaland 29-20
Paragvæ - Svartfjallaland 25-34
Úrúgvæ - Þýskaland 12-38
Pólland - Kína 36-20
Holland - Argentína 32-25
Serbía - Ísland 27-26
Spánn - Færeyjar 25-27
Frakkland - Tunis 43-18