Karla landslið Færeyja hefur orðið fyrir blóðtöku fyrir Evrópumótið sem hefst í janúar því einn af tveimur markmönnum sem valdir voru í lokahópinn, Aleksander Lacok markvörður St. Gallen í Sviss hefur þurft að draga sig úr lokahópnum.

Færeyska handknattleikssambandið tilkynnti þetta fyrr í dag en Aleksander varð fyrir því óláni að meiðast í síðast leik liðsins í Sviss og þarf að gangast undir aðgerð.

Inn í hópinn hefur verið kallaður Tórður Skorheim Guttesen sem er 28 ára og hefur allan sinn feril leikið með Kyndil í heimalandinu.

Færeyjar eru í D-riðli Evrópumótsins í riðli með Svartfjallalandi, Slóveníu og Sviss en tvö efstu lið riðilsins fara áfram í milliriðil. Þar gætu þær þjóðir mætt Íslandi, komist Íslands upp úr sínum riðli.