Þýski landsliðsmaðurinn Julian Köster hefur að öllum líkindum lokið leik á þessu tímabili og þar með spilað sinn síðasta leik fyrir Gummersbach en hann gengur í raðir Kiel í sumar.

Köster meiddist á hné á dögunum og nú er ljóst að hann þarf að gangast undir aðgerð. Það er Sportbild sem greinir frá og segist hafa fengið staðfestingu frá Gummersbach.

Köster hefur orðið fyrir meniskusmeiðslum og mun fara í aðgerð vegna þeirra. Félag hans, VfL Gummersbach, staðfestir þetta samkvæmt þýska miðlinum Sportbild. 

Julian Köster sem er 26 ára hefur leikið með Gummersbach síðan 2020 en er á sínu síðasta tímabili hjá félaginu þar sem hann mun ganga til liðs við THW Kiel eftir sumarið. 

Óvíst er hversu lengi Köster verður frá keppni, en allt bendir til þess að hann muni ekki spila aftur fyrir Gummersbach áður en hann flytur sig yfir til THW Kiel.