Markmaðurinn Bergur Bjartmarsson sem leikið hefur með Fjölni síðastliðin ár er á leið erlendis í nám í 1 ár. Nánar tiltekið til Englands í meistaranám.

Hann mun því ekki spila með Fjölni á næsta leiktímabili en stefnir á að snúa aftur á milli stanganna eftir námið ytra.

"Ég er að fara fara til Englands í meistaranám í 1 ár. Er þar af leiðandi kominn í 1 árs handboltapásu en tel það líklegt að eg haldi áfram í handbolta eftir námið"

Og áfram hélt hann.

"Ég kom til Fjölnis haustið 2021 sem lánsmaður. Markmiðið var alltaf að fara aftur í Fram en félagsskapurinn og stjórnin tók svo vel á móti mér að ekki annað hægt en að skrifa undir hjá félaginu. Ég hef spilað með Fjölni í 5 tímabil og á margar góðar minningar hjá félaginu. Það sem kannski situr eftir er umspilið gegn Víkingi fyrir nokkrum árum og svo auðvitað að fara upp í Olís deildina eftir umspil við Þór. Það var skemmtileg reynsla að spila í Olís deildinni sem hafði verið draumur síðan ég byrjaði að æfa handbolta 8 ára gamall. Handbolti hefur verið stór hluti af mínu lífi mínu lengi og það verður því mikil breyting að „hætta" í boltanum. Mögulega kíki ég á einhver félög þarna úti í London ef boltinn fer aftur að kalla á mig. Ég reikna þó með því að snúa aftur í boltann að námi loknu ef einhver vill fá mig."