Þrír leikir fóru fram í 8-liða úrslitum Evrópudeildarinnar en leikið er heima og að heiman.

MT Melsungen - Porto 28-23 (12-8)
Reynir Þór Stefánsson og Arnar Freyr Arnarsson höfðu betur gegn Þorsteini Leó Gunnarssyni og félögum í Porto í þessum Íslendingaslag. Arnar Freyr skoraði 4 mörk fyrir Melsungen en Reynir Þór komst ekki á blað. Þorsteini Leó tókst ekki að skora í kvöld þrátt fyrir tvær tilraunir. Melsungen eru því í góðri stöðu með fimm marka forskot fyrir síðari leikinn í Portúgal.

Montpellier - HC Vardar 33-23 (12-10)
Montpellier eru komnir með annan fótinn í úrslitahelgina eftir 10 marka sigur á gamla stórveldinu Vardar. Kyllian Villeminot og Hugo Bryan Monte Dos Santos voru markahæstir fyrir Montpellier með 6 mörk og Remi Desbonnet átti stórgóðan leik í marki franska liðsins með 12 skot varin og 40% hlutfallsmarkvörslu. Uros Mitrovic og Joao Pedro Francisci da Silva voru markahæstir fyrir Vardar með 6 mörk hvor.

RK Nexe - Kiel 33-30 (16-13)
Þýska stórliðið Kiel eru í vandræðum eftir þriggja marka tap gegn RK Nexe. Tin Lucin var markahæstur fyrir Nexe með 9 mörk og Harald Reinkind og Rasmus Ankermann voru markahæstir hjá Kiel með 5 mörk hvor.

Síðasti leikur fyrri umferðarinnar í 8-liða úrslitunum fer svo fram í kvöld þegar Flensburg fá lærisveina Heiðmars Felixsonar í heimsókn. Svavar Pétursson og Sigurður Þrastarson munu svo dæma þann leik.