Thea Imanu Sturludóttir gengur til liðs við SCM Craiova í Rúmeníu. Liðið er sem stendur í 9. sæti í rúmensku deildinni og Florentina Stanciu, sem spilaði lengi með Stjörnunni hérlendis er aðstoðarþjálfari liðsins.

Liðið vann EHF bikarinn tímabilið 2017-2018 og vann þá stórlið Vipers Kristiansand frá Noregi í úrslitarimmunni. Florentina Stanciu stóð þá vaktina í marki Craiova.

Thea skrifar undir samning til ársins 2028 og það verður spennandi að sjá Theu fóta sig í rúmensku deildinni. Handkastið óskar Theu alls hins besta með vistaskiptin.