Þrír leikir fóru fram í 8-liða úrslitum Meistaradeildarinnar en um var að ræða síðari viðureigninar í einvígunum. Fuchse Berlin, Barca og Álaborg komust öll áfram og munu því spila á final four í Köln í júní.

Fuchse Berlin - Veszprém 35-33 (17-15) eftir vítakeppni
Fuchse Berlin voru komnir í kjörstöðu 6 mörkum yfir þegar um 20 mínútur voru liðnar af leiknum í kvöld en Veszprém náðu að klóra í bakkann og unnu sig aftur inn í leikinn. Leikurinn var í miklu jafnvægi eftir það og það var Hesham Elsayed Moham sem skoraði þrítugasta mark Veszprém á síðustu sekúndum leiksins og Berlin tókst ekki að skora. 31-30 lokastaðan og þurfti því að fara í vítakeppni þar sem Berlínarrefirnir höfðu betur.

Barca - HBC Nantes 31-21 (15-12)
Barca fóru nokkuð þægilega í gegnum Nantes og eru komnir í úrslitahelgina í 14 skiptið. Aleix Gómez var markahæstur hjá Barca með 10 mörk og Thibaud Briet var markahæstur hjá Nantes með 5 mörk. Viktor Gísli Hallgrímsson varði annað af þeim tveimur skotum sem hann fékk á sig.

Álaborg - Sporting 37-36 (18-17)
Háspenna lífshætta í leik Álaborgar og Sporting þar sem Álaborg unnu einvígið með einu marki og Sporting missir af sæti í Köln annað árið í röð. Orri Freyr Þorkelsson skoraði eitt mark í kvöld og reyndist það vera síðasta mark leiksins sem dugði þó Sporting ekki til.