Rúmenska stórliðið Dinamo Bucuresti hefur gengið frá samningi við portúgalska landsliðslínumanninn, Victor Iturriza til næstu tveggja ára. Félagið greindi frá félagaskiptunum á samfélagsmiðlum sínum á dögunum.

Iturriza kemur til félagsins eftir eins árs dvöl hjá Kuwait Sporting Club í Kuwait. Þar áður lék hann hjá FC Porto á árunum 2016 til 2025.

Þessi 30 ára línumaður er 194 sentímetrar á hæð og vegur 117 kíló.

Iturriza hefur einnig verið fastamaður í portúgalska landsliðinu sem hefur náð góðum árangri á stórmótum undanfarin ár. Hann var meðal annars í liðinu sem hafnaði í fjórða sæti á heimsmeistaramótinu 2025 og í fimmta sæti á Evrópumótinu 2026.

Hjá Dinamo București hittir Iturriza landsliðsþjálfarann sinn, Paulo Pereira sem er á sínu fyrsta ári hjá Bucuresti samhliða því að þjálfa portúgalska landsliðið.