Það varð ljóst um helgina hvaða lið leika í undanúrslitum um danska meistaratitilinn þegar átta liða riðlakeppnin lauk í Danmörku en á föstudaginn var samþykkt á ársþingi HSÍ að leikið yrði sama fyrirkomulag í úrslitakeppninni hér á landi á næstu leiktíð.

Mors-Thy vann sér sæti í undanúrslitum í fyrsta skipti síðan árið 2013 en liðið vann dramatískan sigur á Bjerringbro-Silkeborg í lokaumferðinni. Mors-Thy tryggði sér í undanúrslitin með með eins marks sigri 32-31.

Nú bíður þeirra Álaborg í undanúrslitum en í hinu undanúrslitaeinvíginu mætast Skanderborg og GOG. Arnór Atlason og lærisveinar hans í TTH Holstebro eru hinsvegar komnir í sumarfrí þrátt fyrir sigur gegn Skanderborg í lokaumferðinni en Skanderborg hafði unnið sér sæti í undanúrslitum fyrir lokaumferðina.

Nú tekur við landsleikjapása en undanúrslitaeinvígin hefjast 20. maí.