Fimman er liður á Handkastinu sem hluti af upphitun fyrir keppnistímabilið 2026/2027 sem hefst í byrjun september.

Í Fimmunni tekur Handkastið saman lista af hinu og þessu sem Handkastið telur áhugavert og í þessum lista tekur Handkastið saman lista af leikmönnum og þjálfurum sem verða undir pressu í vetur af ýmsum ástæðum.

Hér að neðan má sjá Fimmuna af þeim sem félögin mega alls ekki missa:

1. Jón Þórarinn Þorsteinsson (FH)
   Eftir að Daníel Freyr Andrésson annar af markvörðum FH sleit hásin á dögunum er nokkuð ljóst að FH-ingar mega alls ekki við því að missa Jón Þórarin í einhver meiðsli. Það er langt og strangt tímabil framundan hjá FH sem leika sem leiki í riðlakeppni Evrópudeildarinnar fyrir áramót auk leikjanna hér heima.
2. Freyr Aronsson (Haukar)
   Þrátt fyrir ungan aldur tók Freyr Aronsson yfir leik Hauka í fyrra og bar liðið oft á tíðum á herðum sér. Var gríðarlega mikilvægur bæði varnar og sóknarlega og leikmaður eins og Hergeir Grímsson var kominn í agnarsmátt hlutverk hjá Haukum. Ætli Haukar sér stóra hluti í vetur þá þarf Freyr að haldast heill heilsu en hann hefur verið að glíma við smávægileg meiðsli hér og þar.
3. Björgvin Páll Gústavsson (Valur)
   Líkt og FH-ingar, þá eru Valur á leið í riðlakeppni Evrópudeildarinnar fyrir áramót og því mikil leikjaálag. Valsmenn eru með Jens Sigurðarson sem varamarkmann og það hlýtur að vera að nú fái hann aukið hlutverk í liði Vals. Það þýðir samt ekki að Valsmenn mega alls ekkert við því að missa Björgvin Pál út í meiðsli, enda hefur hann flutt lögheimilið sitt á milli stanga Vals undanfarin ár og enginn annar markvörður hefur verið velkominn þangað.
4. Bjarni Ófeigur Valdimarsson (KA)
   Var allt í öllu í leik KA á síðustu leiktíð er liðið kom mörgum á óvart og komst liðið alla leið í undanúrslit Íslandsmótsins og bikarkeppninnar. Bjarni Ófeigur glímdi þó við meiðsli seinni part tímabils og það hafði áhrif á hans spilamennsku og ekki síst KA-liðsins. Bjarni var lang besti leikmaður síðasta tímabils áður en hann meiddist og KA-menn þurfa á honum að halda í vetur ætli liðið sér að gera tilkall að einhverju stóru.
5. Harri Halldórsson (Afturelding)
   Mosfellingar eru þunnskipaður í útlínunni og hafa misst bæði Sveinur Ólafsson og Ágúst Inga Óskarsson en á sama tíma fengið Hans Jörgen Ólafsson. Harri Halldórsson var einn af ljósum punktunum í liði Aftureldingar á síðasta tímabili og var algjör lykilmaður í mörgum leikjum. Afturelding gætu lent í vandræðum með að fylla skarð Harra detti hann út vegna meiðsla.