Ljóst er hvaða fjögur lið leika í bikarúrslitahelginni í Powerade-bikarnum í karla flokki en leikið var í 8-liða úrslitunum 19. desember síðastliðinn.

FH sló út Aftureldingu, KA vann Íslands- og bikarmeistara Fram, ÍR vann Grill66-deildarlið Fjölnis og Haukar unnu HK í Kórnum.

8-liða úrslitin í Powerade-bikar kvenna fara ekki fram fyrr en í byrjun febrúar en þá skýrist hvaða fjögur lið leika í Final4 kvennamegin. Stórleikur 8-liða úrslitanna í kvennaflokki er án efa leikur Fram og ÍR sem fer fram 2. febrúar en hinir þrír leikirnir verða leiknir 4. febrúar. Grótta - KA/Þór mætast, Víkingur - Haukar og FH - Valur hinsvegar. Athygli vekur að þrjú af átta liðum 8-liða úrslitina eru lið úr Grill66-deildinni en bæði FH og Grótta slóu út Olís-deildarlið í 16-liða úrslitunum.

Í svari HSÍ við fyrirspurn Handkatsins um það hvenær dregið verður í undanúrslitin er gert ráð fyrir því að dregið verði í undanúrslitin fimmtudaginn eða föstudaginn 5. eða 6. febrúar.