Uros Zorman þjálfari Slóveníu hefur þurft að sætta sig við það að missa enn einn leikmann sinn úr leikmannahópnum fyrir Evrópumótið en Nejc Cehte dró sig úr leikmannahópi Slóveníu á dögunum.

Hægri skyttan, Nejc Cehte gekk nýverið í raðir Fuchse Berlín frá Eurofarm Pelister. Cehte sem verður 34 ára á þessu ári á að baki tæplega 90 landsleiki að baki fyrir Slóveníu.

Handkastið greindi frá því fyrir jól að þeir Mitja Janc leikmaður Wisla Plock og Jaka Malus leikmaður RK Vardar í Norður-Makedóníu hafi báðir þurft að draga sig úr stórum hópi leikmanna sem Zorman hafði valið fyrir EM vegna meiðsla.

Slóvenía og Ísland mætast í fjögurra liða æfingamóti í París fyrir Evrópumótið næstkomandi föstudag klukkan 17:30.

Slóvenía er í D-riðli með Færeyjum, Svartfjallalandi og Sviss, tvö efstu lið D-riðils gætu því mætt Íslandi í milliriðli komist Ísland upp úr sínum riðli.

Meðal leikmanna frá Slóveníu sem ekki verða með landsliðinu á Evrópumótinu eru: Blaz Blagotinsek, Borut Machovsek, Miha Zarabec, Matic Groselj, Tadej Kljun auk leikmannana sem nefnt var hér að ofan.