Pólverjinn Wiktor Jankowski verður upp í stúku þegar pólska landsliðið mætir íslenska landsliðinu í annarri umferð riðlakeppni Evrópumóts karla í handknattleik í Kristianstad Arena á morgun klukkan 17. Jankowski fékk beint rautt spjald fyrir grófa óíþróttamannslega framkomu í viðureign Pólverja og Ungverja í gærkvöld.

Aganefnd Evrópumóts karla lítur brot Pólverjans alvarlegum augum.

Jankowski missir ekki bara af viðureign Íslands og Póllands heldur verður hann einnig í banni þegar Pólverjar mæta Ítölum í þriðju og síðustu umferð riðlakeppninnar á þriðjudaginn.